Mukhang gusto ko na mag-bike commute

Mukhang gusto ko na mag-bike commute.

After more than 2 years of biking around the streets of Metro Manila during weekends e ngayon ko lang talaga ito nasabi.

Sa totoo lang, palagi akong kinakabahan tuwing nagbibisikleta ako. Praning ako tuwing may nakakatabing mga mabibilis na mga jeep, bus, motorsiklo, kotse at ang mga pasaway na mga motorista. Sasabayan pa yan ng usok, dumi at init. Lumalakas lang ang loob ko dahil kasama ko si Doy. :) Gustuhin ko man mag-bike commute e tingin ko ay parang hindi ko kaya.

Kaya grabe rin ang kaba ko nang malaman na ang mga training rides ng mga marshalls sa Tour of the Fireflies (nag-volunteer kasi akong mag-marshall) ay gagawin sa EDSA! Isa na siguro ang EDSA sa mga kalye na pinaka-"unfriendly" sa mga siklista. Sa kabutihang palad ay natapos ko ang ride, kasama ng halos 80 siklista.


From this experience I realized that I am capable of biking around busy streets. Parang mas lumakas na ang loob ko. Na-realize ko na maybe I can already bike commute! Matagal ko na itong gustong gawin, at baka malapit ko na itong magawa. Anyway, mukhang wala pang 10 kilometro ang layo ng aking tirahan sa aking opisina :)



mga larawan ni renemartingo (mula sa http://www.pinoymtbiker.org)

Tour of the Fireflies 2009

Put some fun between your legs! On April 19, 2009 ride your bikes together with 5,000+ others!

For more details, you may visit http://tourofthefireflies.multiply.com/.

Para sa mga kababaihan

Ngayong Marso ay buwan ng mga kababaihan. Ipagdiwang at isulong ang kanilang galing at kapakanan.

Bakit kelangang pahalagahan ang mga babae? Ayon sa The Girl Effect, importante na bigyang halaga ang mga kababaihan dahil malaki ang kanilang nagagawa sa pagpapaunlad ng kanilang komunidad (tingnan ang fact sheet).

Maraming mga aktibidad, lokal at pandaigdigan, ang mga aktibidad para sa buwan ng mga kababaihan. Ang UNESCO at ang National Commission on the Role of Filipino Women ay ilan sa mga organisasyon na naghanda ng mga pagdiriwang sa espesyal na buwan na ito.

Ang Firefly Brigade, isang organisasyon ng mga siklista na nagsusulong ng malinis na hangin, ay magsasagawa ng women's month critical mass ride. At sa Tour of the Fireflies, itatampok ang mga kababaihan bilang mga Pace Marshall, ang mamumuno sa peloton ng mga libu-libong siklistang lalahok sa tour. Pipilitin kong makasama sa mga aktibidad na ito.

From Another bike!